ПОКЛОНЕНІЕ ПРЕСВЯТѢЙ БОГОРОДИЦѢ
Поклоненіе Пресвятѣй Богородицѣ[1]
Придите, поклонимся Царицѣ нашей Богородицѣ.
Пріидите, поклонимся Дѣвѣ Маріи, Царицѣ нашей Богородицѣ.
Пріидите, поклонимся и припадемъ къ самой Госпожѣ Дѣвѣ Маріи, Царицѣ нашей Богородицѣ.
Покланяемся Тебѣ, Пресвятая Богородице, Твоимъ рождествомъ явльшая намъ свѣтъ истинный, Царице небу и земли, надежде ненадежныхъ, помощнице немощнымъ, ходатаице всѣмъ грѣшнымъ; Ты насъ покрый и заступи отъ всѣхъ бѣдъ и нуждъ, душевныхъ и тѣлесныхъ, и буди намъ, молимся, заступница святыми Твоими молитвами.
Покланяемся Твоему благословенному зачатію и рожденію отъ святыхъ Ти родителей, отъ Іоакима и Анны; молимъ Тя, Госпоже наша, даждь намъ житіе безгрѣшно зачати и родити плоды покаянія.
Покланяемся Твоему введенію въ церковь Господню, трилѣтствовавшая Отроковице, и молимъ Тя, свѣте нашъ, церковь насъ содѣлай Святому Духу молитвами Твоими.
Покланяемся благовѣщенію Твоему, Пречистая Богородице Дѣво, егда дѣйствіемъ Святаго Духа со гласомъ Архангельскимъ зачала еси Слово Отчее, и молимъ Тя, свѣте нашъ, намъ, отчаяннымъ, благовѣсти спасеніе.
Покланяемся рожденію Твоему, егда воплотила и родила еси Христа, Спаса міру, и явилася еси Матерь Богу, отъ всея твари славима и превозносима, и молимъ Тя, свѣте нашъ, являй себе Матерь милосерду нынѣ и во вѣкъ будущій.
Покланяемся очищенію Твоему, нескверная, неблазная, нетлѣнная, Пречистая, и молимъ Тя, свѣте нашъ, очисти насъ отъ всякія скверны плоти и духа молитвами Твоими.
Покланяемся и почитаемъ болѣзни Твоя, яже претерпѣла еси во время вольныя страсти Сына Твоего, егда сбыстся Сѵмеоново прореченіе: Тебѣ же самой душу оружіе пройдетъ, и молимъ Тя, свѣте нашъ, болѣзни душевныя и тѣлесныя избави насъ.
Покланяемся Тебѣ, Госпоже, воспоминающе радость Твою, юже имѣла еси во время воскресенія Сына Твоего, и молимъ Тя, свѣте нашъ, радости духовныя не лиши насъ.
Покланяемся честному и славному успенію Твоему, и молимъ Тя, свѣте нашъ, успи страсти наша плотскія помощію Твоею.
О, Пресвятая Владычице Богородице! пріими сіе малое моленіе и принеси е Сыну Твоему и Богу нашему, да спасетъ и просвѣтитъ Тебе ради души наша.
На Твой пресвятый образъ взирая, яко истинную самую Тя зримъ сущую Богородицу, вѣрою сердечною и любовію отъ души припадаемъ и покланяемся съ предвѣчнымъ и на руку Твоею держимымъ младенцемъ, Господомъ нашимъ Іисусомъ Христомъ.
О, Пресвятая Госпоже наша Царице небесная, преславная Владычице, Дѣво Богородице, печальныхъ всѣхъ праведное утѣшеніе и всѣмъ уповающимъ на Тя животъ и воскресеніе! Приклони, о, Госпоже, пречистыя Своя ушеса къ молитвѣ нашей, приносимой Тебѣ отъ насъ, непотребныхъ и недостойныхъ рабовъ Твоихъ.
О, Мати наша милосердая! яви на насъ милость Свою, въ печали сущихъ и во грѣсѣхъ всегда пребывающихъ, и не презри насъ, многогрѣшныхъ рабовъ Твоихъ.
О, Мати наша прекрасная! всѣхъ благихъ Ты еси вина, смертныхъ человѣкъ оживленіе и погибшихъ избавленіе, пріими недостойное наше сіе моленіе, падшихъ и многогрѣшныхъ рабовъ Твоихъ, въ часъ сей горькаго, и плачевнаго, и болѣзненнаго нашего прошенія, яко дерзаемъ нынѣ глаголати къ Тебѣ, Пресвятѣй Госпожѣ Царицѣ Богородицѣ, сіе моленіе и радостное со Ангеломъ приглашеніе сицево: Богородице Дѣво, радуйся, благодатная Маріе, яко зачала еси плотію Сына Божія. Радуйся, яко Его во чревѣ Твоемъ носила еси. Радуйся, яко Его родила еси. Радуйся, яко сосцы питала еси. Радуйся, яко Ему волсви покланялися. Радуйся, яко Христа въ церкви по тріехъ днехъ обрѣла еси. Радуйся, яко Христосъ воскресе изъ мертвыхъ и взыде на небеса. Радуйся, яко Ты сама на небо взята еси. Радуйся, яко Ты дѣвствомъ Ангеловъ и славою Святыхъ превосходиши. Радуйся, яко Ты на земли миръ твориши. Радуйся, яко Тебѣ жители небесніи вси послушны суть. Радуйся, яко Ты еже хощеши, у Сына Твоего, Христа Бога нашего, испросити можеши. Радуйся, яко сподобилася еси быти близь Пресвятыя Троицы. Радуйся, яко Ты Мати людей озлобленныхъ, иже къ Тебѣ прибѣгаютъ. Радуйся, яко Твоя радость во вѣкъ не скончается. Радуйся, Благодатная, Господь съ Тобою!
О, Пресвятая Госпоже Владычице, Дѣво Богородице! пріими недостойную молитву нашу, и сохрани насъ отъ наглыя смерти, и даруй намъ прежде конца покаяніе.
МОЛИТВА.
Достойно славимая и праведно отъ всѣхъ горнихъ чиновъ ублажаемая, яко безъ сравненія ихъ превосходящая, Бога и Творца всяческихъ рождшая, паче всѣхъ возвеличенная, Ейже, яко Царицѣ, предстоятъ лици Ангельстіи, Гавріилову пѣснь возглашающе: радуйся, Благодатная! Наши же грѣшныя и бренныя уста кую достойную похвалу принести возмогутъ величію Твоему, точію да зовемъ Ти: о, пречудная Владычице, молися изъ Тебе воплощенному Христу Богу нашему, да призритъ на ны, дюди безотвѣтныя, да сохранитъ насъ невредимыхъ отъ всѣхъ навѣтъ вражіихъ и злыхъ клеветъ, много бо можеть Твоя матерняя молитва, по реченному: проси Мати Моя, не отвращуся, но вся прошенія Твоя исполню. Радостію о семъ исполняеміи, взываемъ Ти: спаси, Владычице, погибающія рабы Твоя, просвѣти омраченныя суемудрствованіями вѣка сего и приведи ны къ Сладчайшему Іисусу, да, вѣчно радующеся, взываемъ: слава Отцу, слава Сыну, слава и Святому Духу, слава и Тебѣ. Преславнѣй и Пренепорочнѣй Дѣвѣ Богоматери, ублажаемой и благословляемой въ безконечные вѣки вѣковъ. Аминь.
[1] Изъ твореній св. Димитрія Ростовскаго.
http://www.magia-taro.com/t22989-topic
Поклоненіе Пресвятѣй Богородицѣ[1]
Придите, поклонимся Царицѣ нашей Богородицѣ.
Пріидите, поклонимся Дѣвѣ Маріи, Царицѣ нашей Богородицѣ.
Пріидите, поклонимся и припадемъ къ самой Госпожѣ Дѣвѣ Маріи, Царицѣ нашей Богородицѣ.
Покланяемся Тебѣ, Пресвятая Богородице, Твоимъ рождествомъ явльшая намъ свѣтъ истинный, Царице небу и земли, надежде ненадежныхъ, помощнице немощнымъ, ходатаице всѣмъ грѣшнымъ; Ты насъ покрый и заступи отъ всѣхъ бѣдъ и нуждъ, душевныхъ и тѣлесныхъ, и буди намъ, молимся, заступница святыми Твоими молитвами.
Покланяемся Твоему благословенному зачатію и рожденію отъ святыхъ Ти родителей, отъ Іоакима и Анны; молимъ Тя, Госпоже наша, даждь намъ житіе безгрѣшно зачати и родити плоды покаянія.
Покланяемся Твоему введенію въ церковь Господню, трилѣтствовавшая Отроковице, и молимъ Тя, свѣте нашъ, церковь насъ содѣлай Святому Духу молитвами Твоими.
Покланяемся благовѣщенію Твоему, Пречистая Богородице Дѣво, егда дѣйствіемъ Святаго Духа со гласомъ Архангельскимъ зачала еси Слово Отчее, и молимъ Тя, свѣте нашъ, намъ, отчаяннымъ, благовѣсти спасеніе.
Покланяемся рожденію Твоему, егда воплотила и родила еси Христа, Спаса міру, и явилася еси Матерь Богу, отъ всея твари славима и превозносима, и молимъ Тя, свѣте нашъ, являй себе Матерь милосерду нынѣ и во вѣкъ будущій.
Покланяемся очищенію Твоему, нескверная, неблазная, нетлѣнная, Пречистая, и молимъ Тя, свѣте нашъ, очисти насъ отъ всякія скверны плоти и духа молитвами Твоими.
Покланяемся и почитаемъ болѣзни Твоя, яже претерпѣла еси во время вольныя страсти Сына Твоего, егда сбыстся Сѵмеоново прореченіе: Тебѣ же самой душу оружіе пройдетъ, и молимъ Тя, свѣте нашъ, болѣзни душевныя и тѣлесныя избави насъ.
Покланяемся Тебѣ, Госпоже, воспоминающе радость Твою, юже имѣла еси во время воскресенія Сына Твоего, и молимъ Тя, свѣте нашъ, радости духовныя не лиши насъ.
Покланяемся честному и славному успенію Твоему, и молимъ Тя, свѣте нашъ, успи страсти наша плотскія помощію Твоею.
О, Пресвятая Владычице Богородице! пріими сіе малое моленіе и принеси е Сыну Твоему и Богу нашему, да спасетъ и просвѣтитъ Тебе ради души наша.
На Твой пресвятый образъ взирая, яко истинную самую Тя зримъ сущую Богородицу, вѣрою сердечною и любовію отъ души припадаемъ и покланяемся съ предвѣчнымъ и на руку Твоею держимымъ младенцемъ, Господомъ нашимъ Іисусомъ Христомъ.
О, Пресвятая Госпоже наша Царице небесная, преславная Владычице, Дѣво Богородице, печальныхъ всѣхъ праведное утѣшеніе и всѣмъ уповающимъ на Тя животъ и воскресеніе! Приклони, о, Госпоже, пречистыя Своя ушеса къ молитвѣ нашей, приносимой Тебѣ отъ насъ, непотребныхъ и недостойныхъ рабовъ Твоихъ.
О, Мати наша милосердая! яви на насъ милость Свою, въ печали сущихъ и во грѣсѣхъ всегда пребывающихъ, и не презри насъ, многогрѣшныхъ рабовъ Твоихъ.
О, Мати наша прекрасная! всѣхъ благихъ Ты еси вина, смертныхъ человѣкъ оживленіе и погибшихъ избавленіе, пріими недостойное наше сіе моленіе, падшихъ и многогрѣшныхъ рабовъ Твоихъ, въ часъ сей горькаго, и плачевнаго, и болѣзненнаго нашего прошенія, яко дерзаемъ нынѣ глаголати къ Тебѣ, Пресвятѣй Госпожѣ Царицѣ Богородицѣ, сіе моленіе и радостное со Ангеломъ приглашеніе сицево: Богородице Дѣво, радуйся, благодатная Маріе, яко зачала еси плотію Сына Божія. Радуйся, яко Его во чревѣ Твоемъ носила еси. Радуйся, яко Его родила еси. Радуйся, яко сосцы питала еси. Радуйся, яко Ему волсви покланялися. Радуйся, яко Христа въ церкви по тріехъ днехъ обрѣла еси. Радуйся, яко Христосъ воскресе изъ мертвыхъ и взыде на небеса. Радуйся, яко Ты сама на небо взята еси. Радуйся, яко Ты дѣвствомъ Ангеловъ и славою Святыхъ превосходиши. Радуйся, яко Ты на земли миръ твориши. Радуйся, яко Тебѣ жители небесніи вси послушны суть. Радуйся, яко Ты еже хощеши, у Сына Твоего, Христа Бога нашего, испросити можеши. Радуйся, яко сподобилася еси быти близь Пресвятыя Троицы. Радуйся, яко Ты Мати людей озлобленныхъ, иже къ Тебѣ прибѣгаютъ. Радуйся, яко Твоя радость во вѣкъ не скончается. Радуйся, Благодатная, Господь съ Тобою!
О, Пресвятая Госпоже Владычице, Дѣво Богородице! пріими недостойную молитву нашу, и сохрани насъ отъ наглыя смерти, и даруй намъ прежде конца покаяніе.
МОЛИТВА.
Достойно славимая и праведно отъ всѣхъ горнихъ чиновъ ублажаемая, яко безъ сравненія ихъ превосходящая, Бога и Творца всяческихъ рождшая, паче всѣхъ возвеличенная, Ейже, яко Царицѣ, предстоятъ лици Ангельстіи, Гавріилову пѣснь возглашающе: радуйся, Благодатная! Наши же грѣшныя и бренныя уста кую достойную похвалу принести возмогутъ величію Твоему, точію да зовемъ Ти: о, пречудная Владычице, молися изъ Тебе воплощенному Христу Богу нашему, да призритъ на ны, дюди безотвѣтныя, да сохранитъ насъ невредимыхъ отъ всѣхъ навѣтъ вражіихъ и злыхъ клеветъ, много бо можеть Твоя матерняя молитва, по реченному: проси Мати Моя, не отвращуся, но вся прошенія Твоя исполню. Радостію о семъ исполняеміи, взываемъ Ти: спаси, Владычице, погибающія рабы Твоя, просвѣти омраченныя суемудрствованіями вѣка сего и приведи ны къ Сладчайшему Іисусу, да, вѣчно радующеся, взываемъ: слава Отцу, слава Сыну, слава и Святому Духу, слава и Тебѣ. Преславнѣй и Пренепорочнѣй Дѣвѣ Богоматери, ублажаемой и благословляемой въ безконечные вѣки вѣковъ. Аминь.
[1] Изъ твореній св. Димитрія Ростовскаго.
http://www.magia-taro.com/t22989-topic